NEGARREZ ARI NAIZ...

Nekatuta nagoenean negar egiten dut.
Zure falta sumatzen dudanean negar egiten dut.
Negar egiten dut mundua aldatu nahi eta ezin dudala konturatzen naizen
bakoitzean.
Negar egiten dut umetxo hori ikustean;
                Bere bila inor ez dela joan
                             eta ez dela joango
                                             konturatu da. Baina berak ez du negarrik egiten.
                 Bakarrik dago, ez daki zer egin, non dago ama?, non dago aita?, non daude denak?

Negar egingo dut atzo guretik haserre joan zinelako.
Negar egingo dut ez naizelako gauza izango telefonoa hartu eta "zer moduz zaude?" galdetzeko.
Negar egingo dut, berriz ere, fallatu egin dizudalako.

Eta mundua aldatu nahi dudala esaten diot nire buruari.
      Nola bada, ez naiz kapaza-eta gure artekoa konpontzeko ?

BARREZ LEHERTU GINEN

Gerizpean,

zure hatsaren lekuko.

Ortzia; astroak eta astroak omen daude

galaxien artean.

Kosmosa dela, ez dela...

Eta anarkismoa?

Irri isilak entzuten dira,

                                                                                 urrunean

Zure hatsa sentitzean

BARREZ LEHERTU GINEN!

Oroitzen?

Besteen lurraldean munduaren jabe

"Hatsa-ren poesia" olerki bilduman parte hartzen dutenei. Egun bat "superra" iragan dugu...
Horrela hasten da atzo jaso nuen mezua. Pentsa, ni neu bertako kide...

Buruan bueltaka darabilkit; iragan da beste urte bat eta elkartu gara Senperen.

Bai, letretako handi ugari bertaratu dira eta haien artean ni(gu) xumeak..

Baina ni, ez naiz ezer.

Nire hitzak laket dituzte bestaldean,

nire esanak aitzakortzat hartzen dituzte Nafarroan,

baina

etxera bueltatzean

inor ez da jabetzen izan, banaizela

eta esateko aunitz dudala.

Zer egingo diogu, bada...

Besteen lurraldean munduaren jabe

eta gurean.....-ren pare!!!!!