AMETS EGIN DUT

Amets egin dut...

Lapurtutako haurra nintzen

Bilbon sortua

Barakaldon saldua

eta

Gipuzkoako Ume Alaiako adituek ziotenez

bigarren aldiz ere saldu ninduten.

Baina ez zekiten nora.

Orduan, kapitulu berri batean sartu naiz.

Jadanik ez nintzen lapurtutako haurra,

oraingoan itsasotik ateratako gatzarekin lotura nuen,

ez dakit ziur zerk lotzen ninduen,

baina kresala nigan somatzen nuen

eta orduan...

Orduan zu azaldu zara

itxuraz ez zinen zu

,baina barrenak esaten zidan... ZU ZINELA.

Eta laztandu egin nauzu

zenbat maite nauzun adieraziz.

Goxo-goxo hartu nauzu zure besoen artean

eta muxukatu belarrietan xuxurlatuz...

Amets egin dut 

 eta

esnatu naizenean

hor zeunden niri begira

eta

irrifar egin didazu.

Bai, kari,
nik ere