AGUR ETA OHORE
http://www.eitb.com/eu/bideoak/osoa/911317/manuel-lasarteri-egindako-omenaldiaren-bideoa--orio/

1

Gu zazpi senide

ama baten besota

zorionez azi

giñan lur maite ontan

Ama, zu askotan

zaitut ni gogotan

da hasi naiz bertsotan

atsegin osotan,

maitasun gozotan

zu eskertu asmotan.

2

Zazpi senideok

alkartuko bagiña,

guk Amaren naia

gendukake egiña.

Amodio piña

zer gauz atsegiña, 

berez datorren griña.

Gure maite-miña

beti da berdiña:

batu nai ta eziña.

3

O, Euskalerria,

politez ta ederrez

zu berdintzekorik

aurkitzen ez da errez.

Pozaren indarrez, 

goxo irriparrez

bazeundeke ezerrez;

sarritan negarrez

zaude zoritxarrez

penaz urtu bearrez.

4

Agur ta laztan bat,

Euskalerria, zuri,

eta goraintziak

lagun maite batzuri.

Naigabe ugari

sortzen zaigu guri,

au garbi da agiri;

jaso biotz ori,

ez bera erori

ez malkorik ixuri.