LIZARRAKO BASAMORTUAN

Lizarrako basamortuko ur gazitan itota nago.

Arnasarik gabe.

Beroa, nekea, ezina.

Non zaude zu?

Ene! Hemen bazina,

 Jurramendiko magalean

maitatuko zintuzket, laztanduko, gozatuko!!!!

Hemen bazina,

astiro-astiro

lasai eta goxo

egingo nizuke zuk dakizun hori

zuri hainbeste gustatzen zaizun hori!

Ene! Hemen bazina,

irrintzika eta aieneka jardungo ginateke!

Baina ez zaude!

Eta gaur, zu gabe, Urbasa aurrean dudalarik

garai ederren zain egongo naiz.

EMANGO DIZUT ESKATZEN DIDAZUN GUZTIA

Haize ero, haize zakar honek

eramanen ditu nire gogoak.

Minaren mentura

Ezinaren paradisu.

Haize zakar-bortitz

utz nazazu, behingoz   bakean!

Teilaturik gabeko etxea naiz

sugarrik gabeko supazterra

etsaien paradisu

Gaixoaren maitale.

Maite nazazu urrunago.

Har nazazu zure magalean,

 baina

hurrengo batean.

Egizu nirekin nahi duzuna, ez orain, ordea!

Argirik gabeko ipurtargia,

marrarik gabeko zebra

kantatzerik ere ezin duen txoritxoa naiz ni

zu gurean zaudenetik.

Zalantzak bor-borka,

Ezina,

gurean,

egunerokoa.

Zu gurean ez zaudenean

ez da munduan gizonik

erregerik

ez printzerik

ni baino hobeto denik!

Baina zertara etorri zara Haize Zakar?

Zer nahi duzu Haize Bortitz?

Nik

trukean

 emango dizut

eskatzen didazun guztia.

Baita nire bizitza ere!

Hartzazu eta eraman ahalik eta urrunenera,

baina

arren

egizu kabia beste nonbaiten!

I BELIEVED IN MIRACLES

Bakarrik nago, nahi duzu nire ondora etorri?

Bakardadeak indartsuago egiten gaitu.

Aspaldi ez nintzen hain bakarrik sentitu, baina eskuen artetik ihes egiten didan area bezalaxe berreskuratzen hasia naiz.

• 

Uste baino lehen

Laster, orain ezinezkoa dela iruditzen bazaizu ere,

urrunean argia ikusiko duzu.

Agian ez da izango zuk nahi duzun koloretakoa,

eta ziurrenik ez du zuk nahi duzuna argiztatuko.

Ziurrenik,

beste altxor bat, beste eguzki errainu bat topatu duela ondorioztatuko duzu

eta amildegi ertzean ikusiko duzu zeure burua.

Baina badakizu

geurean

aldapa latzena atzean utzirik dugula

eta honek indarberritu baino ez zaituela egingo

eta orduan

tunelaren ahoan ez dagoela argirik ondorioztatuko duzu.

Zergatik, bada?

ZU ZEU ZARELAKO ARGIA.

Bai, garai batean,

aintzinean,

                                      tunel ilun

                                                   ainubetsu

                                                                 goibeltsu

eta zergatik ez,

                                                                           maltzurra zen hura,

hemendik oso gutxira, zuk uste duzuna baino lehenago,

kabi gozo

                ezti

                         argitsu

eta                                           dirdiratsua izango zarelako.

Maite zaitut.

Kartoizko betaurrekoak ote ditut?

Nire ustez
zu ez zara gardena,
nire uste apalean
zu ez zara ikustezina
nire aburuz
zu ez zara, inola ere, zehargia.
Beraz, nolatan ez zaitut ikusten?
Kartoizko betaurrekoak ote ditut?
Zuri begira nago, baina ez didazu jaramonik egiten!

Gaur kezkatu egin naiz!
Zure ondora iritsi naizenean, mamu bat jiran zenuela iruditu zait.
Betiko mamua!
Atea itxi duzu, ez danbatekoz,
baina
itxi egin duzu!
Ixil-ixilik.
Inork antzeman ez dezan?
Gaur,
berriz ere,
kezkaturik nago!

AMILDEGIAREN ERTZEAN

Amildegiaren ertzean zudenean

Amildegiaren ertzean zaudenean

oroitu zaitez etxekoez.

Amildegiaren ertzera iristean

begira ezazu atzera.

Ikusten? 

Bada beste errealitate bat, 

bai, bada.

Eta ondo begiratzen baduzu

 gainera,

zure herria non dagoen ikusi ahalko duzu.

Ez, ez gara hain desberdinak,

nik ere izan nuen zure adinean une-garai kaxkar bat

Baina barraren puntara iritsi eta atzera begiratzean...

maite ninduten guztiak ikusi nituen niri begira!

Eta amildegiaren ertzean nengoela pentsatzen nuen une hartantxe

itsasoaren magalak besarkatu ninduen

eta

kresalaren usain sarkorrari esker

zenbat maitatuko zintudan jakin nuen.

Bai, zure mina neurea da,

zure ezinegonak ito egiten nau

zure haserreak bihotza kuzkurtzen dit

eta konturatzen naizenerako

kaletik zehar banoa, ni neu bakarrik 

hankak arrastaka eta burua guztiz galduta...

Baina orduan,

garai batean bezala

barraren puntaraino iritsi naizela konturatu naiz 

eta

itsasoaren kresalak gogorarazi dit 

ZENBAT MAITE ZAITUDAN!

Itzul zaitez nigana nire pittina
zuri esker jakin nuen zer den ama izatea

eta orain
ama izateaz disfrutatu nahi dut.

Baina horretarako zu nire alboan 

BEHAR ZAITUT!

EUSKADI IRRATIAn Olatz Zugasti

http://www.eitb.com/multimedia/audios/2010/11/19/379814/OLATZ-ZUGASTI_20101119_141106.mp3
EUSKADI

Gau hotzenean ere. Olatz Zugasti

"http://www.eitb.com/bideoak/kultura/eitb-kultura/osoa/542793/eitb-kultura-olatz-zugasti"

Euskal Kantu Txapelketa

http://www.noticiasdegipuzkoa.com/2010/11/15/ocio-y-cultura/cultura/la-14-edicion-de-euskal-kantu-txapelketa-ya-tiene-a-sus-finalistas

POESIA NOLA IRAKURRI

Poesia

nola irakurtzen da?

Galdetu didazu.

Ederra galdera!

Zein ote erantzuna?

Nik ez dakit

kosmosari

galaxiari eta

anarkismoari buruz.

Ezer.

Besteek horietaz idazten dute…

Nik ez dakit

hitz horien guztien esanahia.

Ezjakin bat baino ez naizela,

besterik ez dakit.

Eta poesia

nola irakurtzen den

galdetzen didazu?

Zer erantzun?

Begira;

nik, idatzi,

barne indarraren eraginez

idazten dut;

sarri, negarrez.

Gero, trantzetik irtetean

ordenagailuaren pantailari so egin

eta

nor da honen guztiaren egilea?

Zein doinu, erritmo edo musika du honek?

Ene!

Ezjakin hutsa naizela,

besterik ez dakit.

Zure galdera bera

egiten diot nik neure buruari;

nola irakurtzen da, bada?

Begira;

Poesia ez dela irakurtzen

esango nizuke.

Poesia

bizitu egin behar da

                                                       sentitu

                                                                                   sufritu

                                                                                                                    gozatu

Eta nahi baduzu,

… biok elkarrekin!

OJSK

I

            Gure amatxik gordeta zituen zenbait idatzi bilatzeak benetan  harritu nau. Amak esanda bagenekien berari idaztea gustatzen zitzaiola, baina herriko aldizkarirako eta horrelakoetarako  baino ez zuela idazten uste genuen.

OJSK. Miren Elizalde

-Alde egin behar dugu-esaten zuen Domingok.

Askatasuna lortzeko konjuriozko hitzak ziren horiek. Konjurioa eta zina beharko ziren handik alde egiteko , ordea.

Urdaibaiko ipuin eta kondairak. Edorta Jimenez

Olaxka taldea eta Olatz Zugasti

Olaxka taldea

http://www.eitb.com/bideoak/kultura/musika/osoa/527165/olatz-zugasti-olaxka-taldeak-lagunduta-dator-lan-berrian/#comments

Korreoetan ailegatzen zaizkidanak:

"¡La vida no se trata de cómo sobrevivir a una tempestad, sino cómo bailar bajo la lluvia!"

La poesia es el arte de calmar el alma

Kontu honek zer pentsatua eman dit...

Qué estúpidas son la borracheras solitarias, hacen que uno piense demasiado y tenía razón Poe: creación literaria y alcohol forman un c-coctel peligroso, se ve todo de manera dramática. Y sombras donde no las hay.

Juego de niños. Carmen  Posadas

 Ziur al zaude ikusten dituzun itzal horiek ez direla benetakoak? Aspaldiko esaerak dio umeek eta mozkorrek diotela beti egia, ezta?? 

Dicen que los personajes que los escritores crean con sus alter ego, el compendio de todo lo que les gustaría ser y no son,(...)
(...) porque una de las cosas má agradables de su oficio de escritora, en realidad la única (...) era ser la primera y más sorprendida lectora de aquello que escribía.

Juego de niños. Carmen Posadas

Ametsa

...eta sarritan amets egin dut airean zehar hegaz nindoala, eta noiz edo noiz amets egin dut nire ametsak ez zirela amets huts, egiazkoak baizik, eta...

                                                

Urdaibaiko ipuin eta kondairak. Edorta Jimenez

Nik ere maite zaitudalako!

Entzuten nauzulakoan; 
Irakurtzen nauzulakoan,
Maite zaitut.


Maiteko ez zaitut, bada!